Çertifikata e martesës së Michael Jackson dhe Lisa Marie Priestley e vitit 1994, u shit për 70 800 $ në një ankand.
Dokumenti që i është lëshuar çiftit në ceremoninë 15 minutëshe në Republikën Domenikane në 26 Maj 1994 ka firmat e të dy yjeve. Ankandi u hap të shtunën dhe çmimi bazë ishte 27 000 $ dhe shumë shpejt u rrit nga dy ofruesit kryesorë. Fituesi anonim ka thënë: ”Unë dhe ime shoqe kemi mbledhur autografe që prej 1973‐it. Disa vite më parë u mundëm në një ankand ku shitej certifikata e martesës së Marylin Monroe dhe Arthur Miller, ndaj nuk doja t’a humbisja këtë rast. Jemi shumë të lumtur”. 
